Om biblioteket

Opningstider, adresser og tilsette | Mål for Høgskolebiblioteket | Arbeidsgrupper

Høgskolebiblioteket ved Høgskolen i Hedmark omfattar avdelingsbiblioteka ved dei fem studiestadene.

Opningstider, adresser og tilsette på dei enkelte avdelinger:

Mål for Høgskolebiblioteket

Hovudmål:

Høgskolebiblioteket skal vere eit informasjons- og kunnskapssenter innan høgskolens fagområde og ein aktiv og integrert fagleg ressurs for heile høgskolens verksemd.

Delmål:

Brukaren i sentrum
Biblioteket skal vere brukarorientert og stimulere til medverknad frå brukaren.
Biblioteket som møtestad og arbeidsplass
Biblioteket skal vere med på å auke studiekvaliteten og informasjonskompetansen hos studentar, forskarar og undervisingspersonale ved å tilby:
- velutstyrde data- og studiearbeidsplassar nær informasjonskjeldene:
- rettleiing, rådgjeving og referansetenester formidla av eit høgt kvalifisert personale
- undervising i informasjonssøking og informasjonshandtering
Biblioteket ut til brukaren
Gjere informasjonsressursar og tenester tilgjengelege for brukaren der brukaren er:
- kvalitetssikra informasjonsressursar (tidsskrift og oppslagsverk i fulltekst, bibliografiske databasar, etc.)
- bibliotekets katalog, litteraturbestilling
- kommunikasjon med biblioteket
- søkeopplæring
- tenester tilrettelagt for fjernstudenten
FoU-verksemd
Biblioteket skal stø opp under Høgskolens FoU-verksemd ved å:
- utføre referansetenester
- publisere Høgskolens FoU-rapportar trykt og elektronisk
- registrere, dokumentere og formidle FoU-produksjonen
Biblioteket i regionen
Biblioteket skal vere eit informasjons- og kunnskapssenter innan høgskolens fagområde for regionens næringsliv og lokalsamfunn.

Arbeidsgrupper

IKT-arbeidet

IKT-arbeidet vert samordna og leidd av IKT-bibliotekar. Bibliotekaren leier utviklinga av høgskolebibliotekets IKT-område, til dette høyrer arbeidet med websidene. Samlingsutvikling av digitale kjelder skjer i samråd med hovudbibliotekar, men oppfølging av alle kontraktar ligg til stillinga. IKT-bibliotekar deltek i bibliotekleiarmøta og rapporterer til hovudbibliotekar.

Arbeids- og utviklingsgruppe for elektroniske medier

Arbeids- og utviklingsgruppe for elektroniske medier (e-gruppa) skal i samarbeid med IKT-bibliotekar gje hovudbibliotekar og bibliotekleiarmøtet råd i saker som gjeld abonnement på elektroniske medier ved Høgskolen i Hedmark. E-gruppa skal vere Høgskolebibliotekets spisskompetansegruppe innan elektroniske medier. Gruppa har eit særskild ansvar for å følgje opp og vurdere eksisterande avtalar, halde oversikt over nye tilbod, initiere testing og vurderingar av nye tilbod, samt vere oppdatert med tanke på fellesavtalane til ABM-utvikling. E-gruppa skal tilpasse sitt arbeid til budsjettprosessar i Høgskolen.

Arbeidsgruppe for webutvikling

Arbeidsgruppa skal formulere målsetting for Høgskolebibliotekets webtenester, og kome med forslag til hovudbibliotekar og bibliotekleiarmøtet om endringar av websidene og aktuell arbeidsfordeling. IKT-bibliotekar leiar arbeidet i webgruppa.

Gruppa skal:

sikre at websidene til ei kvar tid er oppdaterte.
sikre at informasjonskjeldene er tilgjengelege for våre brukarar både på campus og for pålogging heimefrå.
ta del i høgskolens webutvikling og følgje Høgskolens design, malar og standardar.
vurdere websidene kontinuerleg, og utabeide ein årleg rapport.
vidareutvikle kompetansen innan webutvikling.

Arbeidsgruppe for informasjonskompetanse

Arbeidsgruppa skal utarbeide forslag til undervisingsopplegg innan kjelder og kjeldebruk, samt bidra til implementering av dette på alle avdelingar i høgskolen. Gruppa rettar seg etter retningsliner frå Utdanningsutvalet for undervising i Informasjonskompetanse. Gruppa skal óg bidra til vedlikehald av websida ”Studiehjelp”, på engelsk og norsk. Gruppa rapporterer til hovudbibliotekar.

BIBSYS-forum

Gruppas medlemmer har ansvar for å vere oppdatert på endringar innan sine respektive BIBSYS-modular og sjå på konsekvensar for høgskolen. Gruppa skal sørgje for informasjon og intern opplæring.