Haldningsskapande arbeid, saman med anna rettleiing og informasjon, er ein viktig del av den utøvande naturforvaltninga i Noreg. Deler av dette haldningsskapande arbeidet kan samanfattast i omgrepet naturrettleiing. Naturrettleiing har tidlegare vore tema innan naturforvaltninga (Statens Naturvernråds utredning NOU 1986:13 Ny landsplan for nasjonalparkar, St.meld.nr. 40 (1986-87) Om friluftsliv, St.meld.nr. 46 (1988-89) Miljø og utvikling og St.meld.nr. 62 (1991-92) Ny landsplan for nasjonalparkar og andre større verneområde i Noreg). I dag har naturrettleiing fått ny aktualitet og naturrettleiar vert brukt som ein yrkestittel i utlysningar. Naturrettleiarar er å finne ved Statens naturoppsyn, nasjonalparksentra, Den norske turistforeining og andre ideelle organisasjonar. Naturrettleiing har ein sentral plass i  Statens naturoppsyn sine nettsider og er framheva i Statens naturoppsyns strategidokumentet for 2007-2012 SNO inn i framtida, i Naturrettleiing i Noreg av Naturitas AS (utgreiing for Statens naturråd 2008), og Policy for naturrettleiing (Direktoratet for naturforvaltning 2010).

 Naturrettleiing definerer vi som formidling av kunnskap om naturen, med det føremål å styrke innsikt, respekt, engasjement og omsorg for natur- og kulturmiljøet. Naturrettleiing blir utført av ein person, naturrettleiaren, som i hovudsak gir deltakarane direkte opplevingar ute i naturen.

 Målsetnaden med naturrettleiing er å:

• styrke forståinga for natur, biologisk mangfald, miljø og kultur
• tydeleggjere samanhengen mellom natur og samfunn gjennom å beskrive menneskets evne til å påverke og endre forhold i naturen
• styrke interessa for rekreasjons- og friluftsaktivitetar
• fremme engasjement innan natur- og kulturmiljøspørsmål
• inspirere til ein sunn og bærekraftig livsstil

 I dag blir det etablert nye statlege stillingar som naturrettleiarar, bl.a. i nasjonalparksentra, ved Verdsarv - og Ramsarsentra, og i utvalde folketette område.

En kandidat med fullført kvalifikasjon skal ha fylgjande totale læringsutbytte:

Kunnskap
• Kandidaten har bred kunnskap om økologi/naturforvaltning, informasjon, undervisning, formidling og kommunikasjon, samt språk
• Kandidaten har kjennskap til det norske forvaltningssystemet, kulturminner og kulturhistorie
• Kandidaten har kjennskap til og praktisk erfaring frå norsk friluftslivstradisjon
• Kandidaten kjenner til forsking og utviklingsarbeid innan økologi, fisk og vilt

Ferdigheiter
• Kandidaten kan formidle kunnskap og relevante resultat frå forsking og undervisningsarbeid
• Kandidaten kan reflektere over eigen utøving og justere denne under vegleiing
• Kandidaten kan finne, vurdere og vise til informasjon og fagstoff, og framstille dette slik at det belyser ein problemstilling
• Kandidaten kan beherske relevante verktøy, teknikkar og uttrykksformer innan formidling

Generell kompetanse
• Kandidaten har forståing for natur, biologisk mangfald, miljø og kultur
• Kandidaten kan tydeliggjøre samanheng mellom natur og samfunn, gjennom å beskrive menneskets evne til å påverke og forandre forhold i naturen
• Kandidaten kan styrke interessa for rekreasjons- og friluftsaktivitetar
• Kandidaten kan fremme engasjement innan natur- og kulturmiljøspørsmål
• Kandidaten kan inspirere til ein sunn og bærekraftig livsstil
• Kandidaten kan sjølvstendig planlegge og gjennomføre varierte vegleiing og formidlingsoppgåver, og prosjekter som strekker seg over tid, aleine og som deltakar i ei gruppe, og i tråd med etiske krav og retningslinjer

Studiet er retta mot heiltidsstudenten som ynskjer ei fullstendig grunnutdanning innan naturrettleiing, og som ynskjer å arbeide innan privat eller offentleg forvalting.

Studiet er eit nasjonal tilbod til ungdom med godkjent vidaregåande skole.

Studiet kan også passe for dei som ynskjer ei vidareutdanning. Dette kan være folk som arbeider innan Statens Naturoppsyn, anna naturoppsyn eller ynskjer å arbeide med formidling og haldningar knytt til naturbruk

Studiet er ei treårig grunnutdanning og vil være eit fulltidsstudium med eit omfang på 180 studiepoeng. Studiet gir ein bachelorgrad.

Naturrettleiarutdanninga gir arbeid innan offentleg eller privat forvaltning av utmark, oppsynsverksemda, og innan informasjons- og formidlingsteneste.

For at studiet skal kvalifisere for master i anvendt økologi må studenten ta emnet Vitskapleg metode og statistikk (15 stp).

Studiet går på campus på studiestad Evenstad. Studieåret er delt inn i fire blokker på 15 studiepoeng kvar. Det nettbaserte studiestøttesystemet Fronter blir nytta i undervisninga.

 Eit halvt år av studiet skal gjennomførast i utlandet for å praktisere eit ikkje-skandinavisk språk og 7.5 studiepoeng skal gjennomførast som ein Praksis innan formidling og rettleiing i offentleg eller private verksemder. Internasjonalt kontor vil hjelpe til med å finne høvelege høgskolar eller universitet i utlandet.

Som valemne kan ein til dømes ta:

• Settefisk (7,5)
• Biomedisin (7,5)
• Rovviltøkologi (7,5)
• Ecology and management of tundra ecosystems (7,5)
• Nordic wildlife management (7,5)
• Innføring i rekneskap (7,5)

Informasjonskompetanse er evne til å lokalisere, evaluere og bruke informasjon for eigne behov. Dette er ein fagleg nøkkelkompetanse og basis for livslang læring. Plagiering er å framstille andres arbeid som sitt eige og det ses på som fusk når korrekt kjeldevisning ikkje brukast.

 Høgskolebiblioteket tilbyr kurset ”Kjeder og kjedebruk” til alle nye studentar. Kurset gir følgjande læringsutbytte:

• ein kan finne, vurdere og vise til informasjon og fagstoff
• ein kan analysere og stille seg kritisk til ulike informasjonskjelder og nytte desse

 Ei deloppgåve i informasjonskompetanse vil vere ein del av eit obligatorisk arbeidskrav.

 Andre ressursar frå Høgskolebiblioteket:

• Fronterrom ”Biblioteket” (tilgjengeleg for alle studentar og tilsette), med PowerPoint til ”Kjeder og kjedebruk”, videoførelesingar og ei elektronisk prøve i informasjonskompetanse
• Bibliotekets studiehjelpside - https://www.hihm.no/hihm/Hovedsiden/Bibliotek/Studiehjelp

Studiet inneheld minimum eit halvt års internasjonalt opphald. Vi tilrår at dette blir gjennomført i siste halvdel av andre studieår. Avdelinga har eit samarbeidsnettverk med høgskolar og universitet i Europa og andre verdsdelar. Utanlandsopphald må på førehand godkjennast av avdelinga og må innehalde emne som er relevante for ein naturrettleiar. Ta kontakt med internasjonal koordinator for å få oppdaterte høve for utanlandsopphald.

 Noen av emna vil ha engelskspråkleg litteratur, og gjesteførelesingar kan også gå på engelsk.

Undervisninga vil gjennomførast som førelesingar, øvingar i felt og i datalab.

Kandidaten blir vurdert gjennom munnleg og skriftleg eksamen, samt rapportinnleveringar. Vurdering med graderte bokstavkarakterar med skala frå A – E for stått, og F for ikkje stått. Noen emne blir vurdert som stått / ikkje stått. Sjå elles under kvar særskilte emneomtale.